Menu Close
སངས་རྒྱས་ཀྱི་བསྟན་་པ་རིན་པོ་ཆེ་འདི་ ཕན་དང་བདེ་བའི་འབྱུང་གནས་ཁོ་ན་ཨིནམ་མ་ཚད་ འགྲོ་བ་སེམས་ཅན་ཚུ་ མཐར་ཐུག་བྱང་ཆུབ་ཀྱི་གོ་འཕང་ འཐོབ་ནིའི་ཐབས་ལམ་ ངོ་མ་སྦེ་ངོས་འཛིན་འབད་དེ་ བཛྲ་གུ་རུ་རིན་པོ་ཆེའི་ཡང་སྲིད་ མཁན་སྤྲུལ་རིག་འཛིན་པདྨ་རྡོ་རྗེ་མཆོག་དང་ བློ་གཏད་བཀོད་ཚོགས་ཀྱིས་ འབྲུག་གཞུང་ཆོས་སྡེའི་བཅའ་ཁྲིམས་༢༠༠༧ ཅན་མའི་དགོངས་དོན་དང་འཁྲིལ་ སངས་རྒྱས་ཆོས་གླིང་གཞི་ཚོགས་འདི་ གཞི་བཙུགས་འབད་དེ་ཡོད་དོ་བཟུམ་ འདིའི་དགོངས་པ་དང་དམིགས་ཡུལ་ཚུ་ བསྒྲུབ་ཐབས་ལུ་ སྤྱིར་སངས་རྒྱས་ཀྱི་བསྟན་པ་དང་ ཁྱད་པར་དུ་ རིག་འཛིན་ཆེན་པོ་རྒྱལ་བ་པད་གླིང་ཡབ་སྲས་ཀྱི་བསྟན་པ་འཛིན་སྤེལ་སྐྱོང་སྤེལ་གསུམ་གྱི་དོན་ལུ་ སྲིད་དོན་དང་གྲལ་གཏོགས་མེད་པའི་ཁར་ ཁེ་སང་ལུ་མ་བལྟ་བའི་གཞུང་མིན་ཚོགས་པ་ཅིག་འབད་གཞི་བཙུགས་འབད་དེ་ཡོདཔ་ཨིན།

དམིགས་ཡུལ།

སངས་རྒྱས་ཆོས་གླིང་གཞི་ཚོགས་ཀྱི་དམིགས་ཡུལ་དེ་ཡང་ སྤྱིར་ནང་པ་སངས་རྒྱས་ཀྱི་བསྟན་པ་ཡུན་བརྟན་དང་ འགྲོ་བ་སེམས་ཅན་ཡོངས་ཀྱི་མཐའ་དོན་ ལྷག་པར་དུ་ འབྲུག་གི་རྩ་བ་གསུམ་ལུ་ ཞི་བདེ་དང་དགའ་སྐྱིད་འགྱུར་བ་མེད་པར་ བསྐལ་པ་མ་སྟོང་གི་བར་དུ་ གནས་ཐབས་ལུ་དང་ ནང་པ་སངས་རྒྱས་པའི་ཆོས་ཀྱི་ཕན་ཁྱད་དང་ཆོས་ཀྱི་རང་བཞིན་ཡར་དྲག་གཏང་ནིའི་དོན་ལུ་དམིགས་ཏེ་ གཞི་བཙུགས་འབད་འབདཝ་ཨིན།

བརྒྱུད་པ།

Baza-Guru-Rinpoche
བཛྲ་གུ་རུ་རིན་པོ་ཆེ།

བཛྲ་གུ་རུ་རིན་པོ་ཆེ།

ཡོངས་གྲགས་ལུ་ བཛྲ་གུ་རུ་རིན་པོ་ཆེ་ཟེར་ཞུ་སྲོལ་ཡོད་མི་ སྤྲུལ་སྐུ་བཛྲ་གུ་རུ་རིན་པོ་ཆེ་ཀརྨ་བསམ་གཏན་ མཆོག་གི་ཡང་སྲིད་འཁྲུལ་མེད་ མཁན་སྤྲུལ་བཛྲ་གུ་རུ་རིན་པོ་ཆེ་མཆོག་ སྤྱི་ལོ་༡༩༧༤ཟླ་༦པའི་ཚེས་༢༠ལུ་ མོང་སྒར་རྫོང་ཁག་ ཨ་བརྒྱ་གནས་ཀྱི་ཉེ་འདབས་ ཤེལ་རི་མུ་ཧཱུྂ་ གཡུས་ཚན་ལུ་ ཡབ་ཕུན་ཚོགས་རབ་རྒྱས་དང་ ཡུམ་བསོད་ནམས་ཆོས་སྒྲོན་གཉིས་ཀྱི་སྲས་ལུ་ སྐུ་འཁྲུངས་ནུག། སྤྲུལ་སྐུ་མཆོག་འཁྲུངས་པའི་སྐབས་ བཀྲ་ཤིས་པའི་རྟགས་ སྣ་ཚོགས་དང་བཅས་འཁྲུངས་ཡོདཔ་མ་ཚད་ གསུང་འཐོན་པའི་བསྒང་ལས་ར་ སྐུ་ཚེ་སྔ་མའི་མཛད་འཕྲིན་ཚུ་ གསལ་རིལ་རི་སྦེ་ དྲན་བཤད་མཛད་ནུག།

མནང་ཆེན་རིན་པོ་ཆེ།

སྐྱབས་རྗེ་མནང་ཆེན་རིན་པོ་ཆེ་ ཀརྨ་བསམ་གཏན་མཆོག་ སྤྱི་ལོ་༡༩༠༧ ལུག་གི་ལོ་ནང་ བོད་ལུ་སྐུ་འཁྲུངས་ནུག། རིན་པོ་ཆེ་མཆོག་ སྐྱབས་རྗེ་ཀརྨ་པ་རང་འབྱུང་རིག་པའི་རྡོ་རྗེ་དང་ གཅུང་སྤྲུལ་རིན་པོ་ཆེ་ཚུ་ལས་ དབང་ལུང་ཁྲིད་གསུམ་ གསན་སྦྱངས་མཛད་ནུག། གཅུང་རིན་པོ་ཆེ་མཆོག་ སྤྱི་ལོ་༡༩༥༠གི་ལོ་ནང་ བོད་ལས་འབྲུག་ལུ་ཕེབས་ཏེ་ ཨ་ཞེ་ཆོས་ཀྱི་དབང་མོ་དབང་ཕྱུག་མཆོག་གིས་ སྦྱིན་བདག་མཛད་དེ་འབྲུག་ལུ་བཞུགས་ནུག། གཅུང་རིན་པོ་ཆེ་མཆོག་གིས་ ཨོ་རྒྱན་གུ་རུ་རིན་པོ་ཆེ་ དངོས་སུ་ཞལ་གཟིགས་ཡོད་པའི་ལོ་རྒྱུས་ཚུ་ཡང་བཤད་ནི་འདུག།

Nangchen Rinpoche Karma Samten
བཛྲ་གུ་རུ་རིན་པོ་ཆེ།

སངས་རྒྱས་ཆོས་གླིང་དགོན་པའི་ཆགས་རབས།

བཀའ་ཐང་བསྡུས་པ་ལས། གཡའ་མ་ལུང་དང་མོན་ཁ་ཤྲཱི་རྫོང་༔ ཞེས་དང་། ཡར་རྗེ་ཨོ་རྒྱན་གླིང་པའི་གཏེར་མ་ཨ་བརྒྱའི་གནས་ཡིག་ལས། སྦས་ཡུལ་ཨ་བརྒྱ་ལུང་དེ་གནས་འོག་མིན་དང་མཚུངས་སོ༔ ཨོ་རྒྱན་ཧེ་རུ་ཀ་དང་མཉམ་མོ༔ བདེ་བ་ཅན་དངོས་ཡིན་པས་སྦས་ཡུལ་ཐམས་ཅད་ཀྱི་ཡོན་ཏན་དང་ལྡན་ནོ༔ སྦས་ཡུལ་ཐམས་ཅད་མཇལ་བའི་བྱིན་རླབས་འཇུག་པར་ཐེ་ཚོམ་མེད༔

ང་བཅས་ལུ་ རྒྱབ་སྐྱོར་མཛད་གནང་།

ང་བཅས་རའི་མི་སྡེ་ལུ་ ཕན་བདེ་དང་ སྲོལ་ཁྱུན་གྱི་ཆོས་ ཉམས་སྲུང་འབད་ནིའི་ནང་ ཕན་གྲོགས་ཀྱི་དོན་ལུ་ ང་བཅས་རའི་ལས་འགུལ་གྱི་འཐུས་མིའི་གྲལ་ཁར་ བྱོན་པ་ལེགས་སོ་ཡོད།